ხშირად ინტერნეტ-მარკეტოლოგები სამუშაო პროცესების დროს, შემდეგ თავსატეხს აწყდებიან: „კონტექსტური რეკლამის შეფასებისას, როგორ შევარჩიო ეფექტურობის საზომი?“. მოდით შევეცადოთ გავარკვიოთ, თუ რომელი საზომია ყველაზე გამართლებული და რა შემთხვევაში.
ცხადია ყველა ზემოთ ნახსენები მაჩვენებლები მნიშვნელოვანი და საჭიროა. თუმცა უნდა გავითვალისწინოთ, რომ ერთდროულად მაქსიმალური შედეგების მიღება ყველა კრიტერიუმით შეუძლებელია. ამიტომ რეკომენდირებულია შეირჩეს ერთი ძირითადი, ან მაქსიმუმ ორი მაჩვენებელი, რისი საშუალებითაც იწარმოება კონტექსტური რეკლამის ოპტიმიზაცია. ცხადია დაისმება კითხვა – მაგრამ როგორ შევარჩიოთ ძირითადი მაჩვენებელი?
იმისათვის რომ მოვახდინოთ სწორი არჩევა, აუცილებელია:
პირველი: დარწმუნდით, რომ ყველა მაჩვენებელი შეგიძლიათ გამოთვალოთ. აქ იგულისხმება არა მთლიანი რეკლამის უბრალოდ საშუალო მაჩვენებელი, არამედ უნდა შეგეძლოთ განიხილოთ სრული კამპანიის ჭრილში – სარეკლამო განცხადებისა და ძირითადი სიტყვების, ასევე ნებისმიერი პერიოდის მიხედვით. რისთვის არის საჭირო დეტალური გათვლები? ეს აუცილებელია რადგან განსაზღვროთ და დაარეგულიროთ ბიუჯეტები ეფექტურ და არაეფექტურ ნაწილებს შორის.
მეორე: უნდა გაეცეს პასუხი შემდეგ კითხვა: „ჩვენი ბიზნესი, რომელ სასიცოცხლო ციკლის ეტაპს გადის ინტერნეტში?“ სასიცოცხლო ეტაპების გრაფიკული გამოსახულება მოცემულია ქვემოთ. მოდით თითოეული ეტაპი დეტალურად განვიხილოთ.
ეტაპი – „ბაზარზე გამოსვლა და სწრაფი ზრდა“. როგორც წესი ეს ეტაპი შემდეგი სტრატეგიული მიზებიდან გამომდინარე ხასიათდება: ბაზრის წილის გაზრდა ან ახალი პროდუქტის ბაზარზე გამოტანა. აღნიშნულიდან გამომდინარე ძირითადი მიზანია საჭირო ინფორმაციის მიტანა მიზნობრივ აუდიტორიამდე და პოტეციური მომხმარებლების მაქსიამალური რაოდენობის მოცვა, კონტაქტის მინიმალური ღირებულებით. ხშირად ამ ეტაპზე სარეკლამო დანახარჯების გამოსყიდვის ამოცანა არ დგას. მნიშვნელოვანია ყურადღება მიექცეს ეფექტურობის შემდეგ ძირითად მაჩვენებლებს: შემომსვლელთა რაოდენობას (ტრაფიკი) და რეკლამაზე “კლიკის” ღირებულებას, ანუ CPC- (Cost Per Click). ამ ორ კრიტერიუმის ურთიერთბალანსი ასე ფორმულირდება: „მივიღოთ მიზნობრივი “კლიკების” მაქსიმალური რაოდენობა იმ ფასად, რომელიც არ აღემატება დადგენილ ბიუჯეტს“.
ეტაპი – „ნელი ზრდა“. სასიცოცხლო ციკლის მეორე ეტაპი შემდეგი სტრატეგიული მიზებიდან გამომდინარე ხასიათდება: რეკლამის დანახარჯების გამოსყიდვა და ამავე დროს ნელი ზრდის ტემპის შენარჩუნება. ამ დროს მნიშვნელოვანია არა პოტეციურ კლიენტთან კონტაქტის ღირებულება, არამედ რეალურ კლინტთან კონტაქტის ფასი, რაც არ უნდა აღემატებოდეს გაყიდვებით მიღებულ შემოსავალს. ამ დროს ეფექტურობის მთავარი მაჩვენებელია: გაყიდვების რაოდენობა და CPA (Cost-Per-Action). ამ ორ კრიტერიუმის ურთიერთბალანსი ასე ფორმულირდება: „გაყიდვების მაქსიმალური რაოდენობის მიღება CPA-დან, რომელიც არ აღემატება ბიუჯეტის დადგენილ დონეს“.
ეტაპი – „სტაბილიზაცია“. ამ ეტაპზე მცირდება ზრდის პოტენციალი და გადადის სტაბილურ ფაზაში. შესაბამისად სტრატეგიული მიზნები შემდეგნაირად განისაზღვრება: მივაღწიოთ რენტაბელობისა და მოგების მაქსიმიზაციას. ეფექტურობის მთავარი საზომია ROI (Return on Investment), ან მოგება. შესაძლოა, რომ ეს ორი მაჩვენებელი ერთმანეთთან კავშირში არც იყოს, ამიტომ სარეკლამო კამპანიის ოპტიმიზირება უნდა იწარმოოს რომელიმე მადგანის შერჩევით.
მოდით შევაჯამოთ ყოველივე ზემოთ თქმული ერთ ცხრილში:
მაშ ასე, შევაჯამოთ: ნებისმიერ შემთხვევაში ეფექტურობის საზომის შერჩევა გამომდინარეობს მარკეტინგის სტრატეგიიდან და ინტერნეტში ფირმის სასიცოცხლო ციკლიდან. არ ღირს სარეკლამო კამპანიის ერთბაშად ოპტიმიზაცია ყველა მაჩვენებლების მიხედვით. წინააღმდეგ შემთხვევაში მაქსიმალური შედგების მიღება შეუძლებელია, თუნდაც ერთი მაჩვენებლის დონეზე. ასევე გასათვალისწინებელია, რომ თუ რომელიმე მაჩვენებელს არ იყენებთ ოპტიმიზაციისთვის, მისი გამოთვლა მაინც დაგჭირდებათ, რადგან აუცილებლად გამოგადგებათ შემდგომი კამპანიის დასაგეგმად, როცა შეცვლით სტრატეგიას, ან სასიცოცხლო ციკლის ერთი ეტაპიდან გადახვალთ მეორეზე.
0 коммент.:
Отправить комментарий